حدوتة الارنوب الصغير 🐇

 

كان يا مكان وما يحلى الكلام إلا بذكر النبي عليه الصلاة والسلام 🌺 كان في ارنب صغير بيشوف الدنيا لأول مره ليه 

لانه لسه مولود مامته ولدته وراحت ع الحقل عشان تجيب اكل .. الارنب الصغير بص على السماء ومكنش يعرف انه اسمها سماء وانها زرقاء وقدام الارنب الصغير كان فيه أشجار وبرضه ميعرفش انها اسمها اشجار .. وميهرفش انها ليها اوراق خضراء وازهار ملونة جميلة .. مكنش يعرف اي شىء في الدنيا حواليه .. حتى مامته ميعرفش شكلها ايه .. ولا اسمها ايه .. لانها ولدته وراحت الحقل تجيب الاكل قبل مايفتح عينه ويشوف الدنيا .. سمع الارنب الصغير .. صوت بيناديه .. بص لفوق فشاف شىء بيناديه وبيزقزق ..ده كان ايه .. العصفور .. الارنب مكنش يعرف العصفور .. لكن العصفور كان يعرف الارنب .. ويعرف انه صغير وميعرفش شىء عن الدنيا ..

العصفور قال للارنب الصغير .. انا عارف انك بتبحث عن مامتك .. مامتك راحت الحقل وقالتلي استناك هنا ..انا شايفها من فوق الشجره هيا واقفه هناك بين الاشجار والأزهار الملونه .. وقاله اروح اناديها .. فالارنب قاله لا انا هاروحلها بنفسي .. جري الارنب لحد ماوصل للحقل ..

وهناك كان في حيوانات وطيور كتيره بتبحث عن الاكل وسط الاشجار والأزهار الملونه.. وقال الارنب لنفسه ازاي هعرف أمي وهما كلهم يبحثوا عن اكل .. بص الارتب على الوزه وقالها انتي ماما العصفور قالي انك هنا .. ضحكت الوزه وقالتله لا يا حبيبي انا مش ماما انا ليا ريش وماما ملهاش ريش وانا ليا منقار وماما ملهاش منقار .. وقفز الارنب ومشي لحد ماوصل للخروف وقاله انت ملكش لا ريش ولا منقار انت كده ماما بصله الخروف ومأمأ وقاله وهو بيضحك .. لا يا عزيزي انا ليا قرون وماما ملهاش قرون .. وانا ليا صوف وماما ملهاش صوف مثل صوفي هيا ليها شعر .. سابه ومشي وب خطوتين لقى حمار مغطى بالشعر .. بص له الارنب وقال ملهوش ريش ولا منقار ولا قرون ولا صوف وليه شعر بالضبط زي ماما .. وجري الارنب ناحية الحمار وقاله انت ماما .. بص له الحمار وقاله لا يبني انا كبير وماما طبعا صغيره زيك ... وقف الارنب وهو زعلان عمال يفكر شاف حيوانات كتير وكلهم مش مامته .. وهو واقف عدت فاره صغيره .. نط الارنب وهو فرحان 

وقال صغيره وملهاش منقار ولا ريش ولا قرون ولا صوف ومغطاه بالشعر وصاح الارنب انتي ماما ..

قالتله الفأره انا صغيره جدا وماما كبيره بص ذيلي طويل وانت ذيلك قصير وودانك طويله ..

وقف الارنب وهو زعلان عشان مش لاقي مامته وبيعيط سمعته مامته وجريت عليه وفتحت دراعها جري فحضنها وقالها انتي ماما وفرح اوي لما شافها ونسي زعله عشان كمان عرف حاجات كتيره غن الدنيا مكنش يعرفها .. وروحوا هما الإتنين البيت وهما مبسوطين ومعاهم الاكل ..وتوته توته خلصت الحدوته ❤️🌺حلوة ولا ملتوتة 🤔🤔